EMPEEREZA YA GAV’T: Ab’e Kasanja sibamativu, baagala kaliisoliiso abiyingiremu
Abakulembeze abalonde mu town Council ye Kasanja nga bakulembeddwa Meeya w’ekitundu Jonathan Gayira abeekubidde enduulu eri Kaliisoliiso wa Gavumenti ku bakulembeze be balumiriza obutatuukiriza buvunaanyizibwa bwabwe ekivuddeko empeereza eri abantu okuba eyekiboggwe. Bano era balowooza nti waliwo okubulankanya ensimbi z’omuwi w’omusolo kubanga nnyingi ze bazza bayise okukola emirimu mu kitundu wabula n’egitakolebwa.