Francis Zaake atuukidde ku muggalo nebimusobera
Ensonga z'omubaka Francis Zzaake ez'okweddiza yafeesi ye ey'obwa komisona zikyali mpanvu newankubadde nga kkooti yamala dda okukisalawo nti yagobebwa mu bukyamu. Ono olwaleero akedde kugenda kuyingira woffisi ye kutandika mirimu kyokka kimubuseeko bw'atuuse nga ali ku muggalo. Zzaake atubuulidde nti bw'abuuzizza abantu beyateresanga ebisumuluzo bye, bamutegezeezza nti abakulu baabibaggyako dda. Waliwo ebbaluwa gyetulabyeko emuwa woffiisi endala ng'omubaka wa palamenti so si komisona wabula eno zzaake agizize.
