ENSISINKANO KU BY’EMISOLO: Abasuubuzi babakunze bagende mu bungi e Kololo
Obubonero obuliwo bulaga nti abasuubuzi bandiggala amaduuka gaabwe olunaku lw'enkya okusobola okubaawo mu bungi mu nsisinkano yaabwe n'omukulembeze w'eggwanga egenda okubeera ku kisaawe e Kololo ku nsonga z'emisolo n'engeri gye gisoloozebwamu Olwaleero abakulembeze b'ebibiina by'abasuubuzi basiibye bakunga abantu baabwe okubaawo mu bungi mu nsisinkano eno. John Kabanda, Akulira ekibiina ekigatta abasbuubuzi ki Federation of Uganda Traders Association, agamba nti kikulu nnyo abasuubuzi okwetuukira basobole okweyabya ku bibaluma.