Okugaba emirimu gya gavumenti: Amyuka ssentebe w'e Kikuube akwatiiddwa lwa kusaba nsimbi
Amyuka ssentebe wa district y'e Kikuube Vincent Opio wetwogerera bino nga ali mabega wa mitayimbwa ku bigambibwa nti yaggya ku bantu abaali basaba emirimu ensimbi okusobola okubayisaawo. Ono okukwatiibwa, kiddiridde omu ku baasaba omulimu ku district okuvaayo n'amulonkoma nga bwe yamusaba akakadde kamu n'ekitundu asobole okumuyamba okufuna ekifo kye yali asabye. Ono poliisi eggaanye okusaba okwe okw'akakalu ka poliisi olw'ensonga nti obujulizi obutandikirwako mu kkooti babulina enkya ono gye bamukeeza. Okwemulugunya kungi mu bantu abasaba emirimu mu bitongole bya gavumenti ebitali bimu nga abakola kukugigaba bwe basukkiridde okubasaba ensimbi basobole okubayamba okufuna ebifo bye betaaga.
