SSUKKAALI WA UGANDA: E Kenya bamukyusa ebisabika ne bamuleega bbeeyi
Abasubuuzi ba sukaali mu ggwanga lya Kenya kizuliiddwa nti sukaali gwebasubuula okuva ku ludda lwa Uganda e Busia bamukyusa nebamuzza mu nsawo z’e Kenya basobole okutundira ku bbeeyi eya waggulu. Gyebuvuddeko amakolero ga gavumenti y’e Kenya aga sukaali agawerako gaggalawo olw’okubulwa ebikozesebwa n’okuddukanyizibwa obubi nga kino kyaviirako ebbula olwo ebbeeyi nepaluuka. Kino nno kijje bannayuganda mu mbeera kubanga Kenya eno yabagaana dda okutundayo ebikajjo n’akaloddo nga tebalaba nsonga lwaki abasubuuzi baayo bandikoze ensimbi ezitali mu mateeka.