OKUSUNSULA ABAYIZI BA S1 NE S5: Amasomero gagamba gaweereddwa obudde butono
Okusunsula abayizi abagenda mu S1 ne S5 kutandise olwaleero ku kisaawe e Kolola era ng'ab'amasomero baweereddwa omukisa gumu okulonda abayizi be bagenda okutwala. Abakulu b’amasomero abeetabye mu nteekateeka eno bagamba nti obudde obubaweereddwa butono okukola omulimu guno obulungi. Kitegeerekese nti Minisitule y'ebyenjigiriza ekwataganye ne y'ebyobulamu okubaga emitendera eginaagobererwa mu kuggulawo amasomero omwaka ogujja wakati mu kwerinda COVID-19.