E Luwero baagala gavumenti esomese abantu ku bikwata ku kirwadde kya Nnalubiri
Ab’eby’obulamu mu district y’e Luwero benyamivu olw’engeri obulwadde bwa nalubiri oba sickle cell gyebwongeddee okusasaanamu mu district eno. Eddwaliro ekkulu erye Luwero lyokka lirina , abalwadde ba Nalubiri abasoba mu 1.500 nga bava mu disitulikiti eno eye Nakaseke ne Nakasongola, ng’ekizibu kye basiinga okusanga lyebbula ly’omusaayi. Ab’eby’obulamu kati bagala enjiri y’okubunyisa amawulire agakwata ku bulwadde bwa nalubiri etwalibwe nemumasinzizo nga bweguli ku ndwadde ya munenenya.