Abantu bana basimbiddwa mu kkooti ya Buganda Road nebaggulwako emisango gyokugezaako okulumba mmotokka z'omulamuzi omukulu oba Principle judge Flavian Zeija', okutta aba poliisi basatu ku Poliisi ye Busiika , saako abantu babulijjo abaweerako nga kwossa n'okubba emmundu . Abana bano kuliko Moses Katende , Faisal Musana , Abudallatif Balikoowa ne Adam weduma . Bano bakola mirimu omuli okusiika chapati, obutembeeyi n'obusubuuzi obulala obwa lejjalejja . Oludda oluwaabi lugamba nti abana bano n'abalala abatanakwatibwa nga 31 october omwaka oguwedde balumba Poliisi ye Busiika mu disitulikiti ye Luweero nebatta aba poliisi basatu , omwali Alex Wagaruka, Moses Ongon ne Steven Odama . Bano bagambibwa okuba nga bazza emisango emirala omuli okutta abantu mu disitulikiti endala omu Mpigi mu bitundu bye Mitala Maria , so nga ettemu ddala lyali mu bitundu omuli Lusaze , Kasokoso ne Butambala. Omulamuzi Asuman Muhumuza bano abalabudde obutabaako kyeboogera kubanga emisangoe gibavunaanibwa gya Naggomola egiwulirizibwa kkooti enkulu . Bakudda mu kkooti nga 31st January nga bakugasimbagana n'omulamuzi omukulu owa kkooti eno Sarah Tusiime .