Kaadi ya NRM: Alupo, Minisita Muhwezi, ne Akello basunsuddwa
Okuggyayo empapula eri abeegwanyiza ebifo mu palamwenti, obwa ssentebe bwa disitulikiti, obwa meeya bwa munisipaali n'ebibuga ku kaadi ya NRM mu kalulu ka 2026 kukomekkerezebwa lunaku lwa nkya olwo okubasunsulamu kutandike ku lw'okubiri lwa wiiki ejja. Wabula mu ngeri ey'enjawulo, Amyuka Omukulembeze we Ggwanga Jessica Alupo, Minisita w'obutebekenvu Jim Muhwezi, ne minisita omubeezi ow'eby'empisa n'obuntubulamu, Rose Lilly Akello bbo basunsuddwa lwaleero kubanga balina emirimu emitongole gye bagendako ebweru w'eggwanga.
