Amayumba agawerako gakutte omuliro e Lubowa n’e Luweero
Abatuuze mu zooni ya Kizito mu town council ye Luwero baasuze ku tebuukye oluvanyuma lw’ekibinja ky’abantu abatanategerekeka okubalumba mu matumbi budde nebayiwa amafuta ku miryango oluvanyuma nebagikoleeza omuliro. Bano era balese batimbye ebibaluwa ku bisenge n’ekunzigi ebibalaalike. Ne mu bitundu bye Sseguku omuliro gwokezza ebintu byabukadde ku makya ga leero nga guteeberebwa okuba nga gwavudde ku sigiri omutuuze gyeyerabidde okuzikiza.