EMISINDE GY'AMAZAALIBWA GA KABAKA :Amalwaliro agawerako gawaddeyo ambulance
Amalwaliro ag’enjawulo gawaddeyo Ambulance 13 eri obwakabaka bwa Buganda ziyambeko mu kuduukirira abanaafuna obuvune mu misinde gy’amazaalibwa ga Kabaka egy’okubaawo ku Sunday ya sabiiti eno. Nga akwasibwa Ambulance zino minisita wa Kabaka ow’eby’obulamu Dr. Prosperus Nankindu akubirizza abagenda okudduka okwewala okwetaba mu buwanvu bwebataasobole ate gyebayinza okufunira obuzibu.