OKUKUBA ABATAKA TTIYAGGAASI: Katikkiro agugumbudde poliisi
Obwakabaka bwa Buganda si busanyufu n’ab’ebyokwerinda abakakkanye ku bataka b’ekika ky’e Mbogo ne babakuba omukka ogubalagala ne bazzukulu baabwe kko ne bannaddiini. Bino byabaddewo lunaku lw’eggulo, ng’ab’ekika kino bakunganiidde ku butaka bwabwe e Mugulu mu sazza ly’e Ssingo. Katikkiro Charles Peter Mayiga, na kati yebuuza ekyatanudde poliisi okwolesa obukambwe nga buno, so nga abaabadde ku mukolo batuukirizza obukwakkulizo bwonna obw’okwetangira ekirwadde ki Covid-19. Poliisi yetoonze olw’ekikolwa kino.