OGW’OKUTTA EMPOLOGOMA: Babiri kkooti ebakalize emyaka 8 mu nkomyo
Kkooti ewozesa abalinnyirira eddembe ly’ebitonde by’omunsiko esazeewo nti abasajja abaasingisibwa omusango gw’okutta empologoma mukaaga mu kkuumiro li Queen Elizabeth basibibwe emyaka 8 n’emyezi 7. Vincent Tumuheirwe ne Robert Ario baakwatibwa gyebuvuddeko oluvannyuma lw’empologoma zino okufa era ng’omulamuzi wa Kkooti eno etuula ku Buganda Road Gladys Kamasanyu akiggumizza nti obujulizi obubaddewo bubadde bumala okubasiba.
