ENSONGA Z’EDDEMBE LY’OBUNTU: Uganda eyanukudde America ku alipoota eyafulumye
Gavumenti eyanukudde ku byalabikidde mu alipoota ku ddembe ly’obuntu eyafulumiziddwa gavumenti ya America wansi w’ekitebe kyayo ekiri kuno.Alipoota eyakolebwa mwaka oguwedde 2023 eraga nga ebikolwa eby’okutyoboola eddembe ly’obuntu bwebyeyongedde era enokoddeyo eky’okuyisa ettaakA ku mukwano ogw’ebikukujju, okutulugunya abantu, okusiba abantu olw’endowooza zaabwe ez’ebyobufuzi saako okutta abateeberezebwa okuba abazzi b’emisango n’ebikolwa ebirala.Minisita omubeezi ow’ensonga z’ebweru w’eggwanga Henry Okello Oryem agambye nti america esaanye okomye okweyingiza mu nsonga z’omunda n’ategeeza nti gavumenti ya NRM ezze ekola ekisoboka okulaba ng’eddembe ly’obuntu lissibwamu ekitiibwa.