Ensolooza y’omusolo eya (EFRIS): Abasuubuzi abagyemulugunyako baggadde amaduuka
Ssentebe w’ekibiina ky'abasuubuzi ki Federation of Uganda Traders Association [FUTA] John Kabanda agambye nti amaduuka g’abasuubuzi naddala mu kampala gaakusigala nga maggale okutuusa nga gavumenti ebaanukudde mu ngeri ematiza ku nsonga zaabwe ezibanyigiriza ng’abasuubuzi. Kiddiridde abamu ku basuubuzi okuggala amaduuka gaabwe olwaleero nga balaga obutali bumativu ku nsonga zebagamba nti zoolekedde okubalemesa obusuubuzi. Bano beemulugunya ku misolo emingi egibajjibwako, saako n'enkola ya URA eya Electronic fiscal receipting and invoicing solution (EFRIS).
