EDDAGALA LYA COVID-19 ERYABBIDDWA: Kati poliisi egamba doozi ziri 800
Poliisi ekyalemeddeko, erumiriza nti eddagala erigema COVID-19 eryabbbibwa lyasangidwa mu First Pharmacy e Mulago mu Kampala, newankubadde aba First Pharmacy bino byonna babyegaanye nga bwe bagamba nti poliisi ebawaayiriza mu ngeri eyonoona erinnya lya pharmacy yaabwe. Ogenda kuwulira omwogezi wa poliisi Fred Enanga agamba nti ddoozi eziri mu 800 ze zasangiddwa ku First Pharmacy so si 600 ng’amawulire bwe gasoose okutegeeza eggulo. Bugenze okuwungeera nga aba First Pharmacy bawadde poliisi nsalessale okubeetondere olw’okubasibako ekigambo ky’obubbi obwenkanidde awo nga n’eddagala lye bagamba lye bazudde teryasangiddwa mu kizimbe First Pharmacy mw’eddukanyiza emirimu.