OLUTALO E SOMALIA :Amagye ga Uganda galumbiddwa e Mogadishu
Waliwo enkambi y'amagye agayamba okuzza emirembe mu Somalia agali wansi w'omukago gwa African Union Transition Mission in Somalia oba ATMIS agalumbiddwa nkya yaleero . Kitegeerekese nti gano agabadde mu kitundu kye Bula Mareer mu Lower Shabelle okusinga ga Uganda .. Ekiwandiiko ekifulumiziddwa omukago gwa ATMIS kitegeezeza nga abajambula ba Alshaabab bwebalumbye enkambi eno ku ssaawa kumi neemu ez'okumakya , ne bbomu saako balumira mwoyo era amangu ago okulwanagana nekutandika. Ekiwandiiko wabula tekyogera ku namba y'abafudde oba abalumiziddwa mu bulumbaganyi buno wadde nga aba Alshaba beewana nga bwebasse abawera . Kigambwa nti amagye g'omukago gwa ATIMIS gwasindise amagye amalala okuyamba ku abo ababadde balumbiddwa era era baliko ebyokulwanyisa byebasanyizaawo eri aba Alshabab ababadde badduka . Amagye gawaano gategeezezza nga ebikwatagana ku nsonga eno bwebirina okuva mu mukago gwa ATIMIS amagye gano mwegaweerereza . Amawanga ga Africa galina amagye agasuka mu mitwalo ebiri mu Somalia .