LWAKI OTUYISAAMU AMAASO: Kkooti ensukkulumu ekalize Ssebadduka emyaka 3 mu nkomyo
Abalamuzi bonna omusanvu aba kkooti ensukkulumu bakkaanyizza nti musajja mukulu Ivan Samuel Ssebadduka asaanye yeebake mu kkomera okumala emyaka esatu ejjoogo liryoke limuggwe. Ssebadduka ono eyali ayagala okwesimabwo ku kifo kya Pulezidenti y’atuuka ng’abaka kkalaamu nga awandiikira abalamuzi nga bw’ayagala okuwakanya eky’okulagira abeesimbyewo okunoonya emikono mu disitulikiti e 98 eziragirwa mu kiseera nga Covid-19 yegiriisa. Abalamuzi baasalwo musajja mukulu bamuwulirize kyokka bw’eyeeyanjula gye bali yabayita bagwagwa abawedde emirimu. Okwogera ku balamuzi oba ne kkooti okutwalira awamu by’otalinaako bujulizi musango gwennyini oguliko n’ekibonerezo.