ENTE ZA MUSEVENI TEZIBAYAMBYE: Ab’e Kabarole bagamba tezivaamu mata bulungi
Eggombolola ye Rwengaju mu district ye Kabarole yafuulibwa eky’okulabirako mu bulimi n’obuluunzi oba model sub county mu mwaka gwa 2016 omukulembeze we ggwanga Yoweri Museveni bweyakyalayo ng’alambula abalimi.
Museveni mu nteekateeka ye ey’okujja abantu mu bwavu okuyita mu bulimi n’obuluunzi ab’eno yabawa ente z’amata 150 era nabazimbira n’ekyuuma kyago ekya liita 2000 wabula n’okutuusa essaawa eno tekikola kubanga ente ezabaweebwa tezivaamu mata gamala.
Akulira ekitongole kya NAADS Dr. Samuel Mugasa aliko amagezi g’awadde abalimi n’abaluunzi b’eno okuganyulwa mu mulimu gw’abwe.