‘Ssente Eziriwo Za Kalulu’ Gavumenti eyatulidde abasomesa abediima
Government etegeezezza nga mu kiseera kino bw'etalina kyakukolera basomesa b'amasomo ga Arts abali mu kediimo olw'ensonga nti ensimbi eziriwo zonna zitunuulidde kalulu ka 2026. Okusinziira ku minista omubeezi ow'abakozi Mary Grace Mugasa, abasomesa bakulowoozebwako eyo mu myezi ng'ebiri ng'ebitongole bitandise okukola embalirira z'abyo ez'omwaka gw'ebyensimbi oguddako 2026/2027. Abasomesa bbo bakyawera nkolokooto nti okuddamu okukwata ku nnoni, ng'omusaala gulinnye.
