“MUMUNOONYE AZIKOMYEWO”: Makerere ebadde esasula omukozi eyadduka ku mulimu
Akakiiko ka palamenti akalondoola esasaanya ya ssente z’omuwi w’omusolo kalagidde abakulu abaddukanya etendekero ly’e Makerere okulaba nga banoonya omu ku bakozi baabwe Paul Bakaki aze obukadde 127 eri gavumenti bwe baamusasula nga omusaala okumala emyezi 19 kyoka nga yali takola era nga taddangamu kulabikako ku mulimu.Ono yali yasaba agende yeeyongere okusoma okumala emyaka esatu kyoka emyaka olwagwaako teyakomawo ku ttendekero wadde lyasigala limusasula.Bino biri mu alipoota ya Ssaababalirizi w’ebitabo bya gavumenti ku ttendekero ly’e Makerere eyakolebwa mu mwaka gw’ebyensimbi 2022/2023.