Omubaka w'e Lwemiyaga Theodre Ssekikubo, akubiddwa essasi mu district y'e Sembabule
Omubaka w'e Lwemiyaga Theodre Ssekikubo, akubiddwa essasi mu kavuvungano akabadde ku kyalo Kireega mu district y'e Sembabule, amagye bwe galumbye olukungaana lw'abadde ayogereramu negalutabula.Embeera eno efiiriddemu n'omuvubuka ayitibwa Ssembuuzi, ng'essasi gwerisookeddemu neriryoka likuba omubaka Ssekikubo olwo neliyita n'omuntu omulala ku mutwe.Tukitegedde nti ekivuddeko entabwe, be bawagizi ba munnamagye Emmanuel Rwashande abawambye ekifo Ssekikubo w'abadde alina okukubira kapeyini ate bwe bagezezzaako okubagobawo nebagaanirawo, ekivuddeko olutalo.
