Abapoliisi babiri bakaayanira ettaka e Lyantonde
Waliwo abaserikale babiri mu district y'e Lyantonde abakaayanira ettaka eriweza square miles bbiri nga buli omu alumiriza munne okugezaako okubba ekikye. SSP Sarah Mwesigwa ne SP Norman Musinguzi nga ye DPC we Nakawa mu kiseera kino, baludde nga bagugulanga nga kigambibwa nti SSP Mwesigwa ettaka yaligula okuva kw'omu ku bataka mu kitundu so nga ye Musinguzi alumiriza nti munne ettaka ly'ayita erirye balimazeeko emyaka kumpi ataano nga famire. Ensonga eno etabudde ne minista omubeezi ow'ebyettaka Sam Mayanja abadde agenze okugonjoola ensonga z'abakuumaddembe ababiri.
