OKUBBA EDDAGALA LYA GAV'T : Waliwo erikwatiddwa mu kalwaliro e Wakiso
Waliwo eddagala erisoba mu bukadde 50 erikwatiddwa e Ganda mu Wakiso nga liteeberezebwa okuba eribbe.
Lino lisangidwa mu kalwaliro ka Borch Medical Services nga okukizuula kyaddiridde abatuuze okutemya ku poliisi nti waliwo eddagala erisombebwa buli lunaku nga liteekebwa mukalwaliro kano.
Olunaku lw’eggulo kyawalirizza poliisi okusitukiramu okukakkana nga eddagala lino nerisangibwayo era omukazi eyasangiddwawo n’akwatibwa.
Kati abaserikale okuva mu maka g’obwa pulezidenti bazzeeyo mu kifo kino era eddagala neritwalibwa ku poliisi.