Okuwulira omusango gw’okukuma mu bantu omuliro oguvunaanibwa omubaka wa Kawempe North Muhammad Ssegirinya tekubaddewo nga bwekibadde kisbuuirwa olwaleero. Kino kivudde kufa kwa Sipiika Jacob Oulanya nga bannamatteeka ba Segirinya bategeezezza nga bwebaliko ensonga zebatambuza mu palamenti, omuli nokweteekerateekera okujjuza ekifo kya Sipiika. Obutafaananako nga bulijjo , kuluno Ssegiriunya aleeteddwa mu kkooti ya Buganda Road omusango guno gyeguwulirwa. Olwaleero oludda oluwaabi lwabadde lutegese abajjulizi basatu abalumiriza Ssegirinya. Munnamatteeka wa Ssegirinya Shamim Malende asabye omulamuzi Siena Owomugisha okwongerayo okuwulira ensonga zino , okusobozesa nemunatteeka omupya mu musango guno Medard Ssegona okugwetabamu. Malende ategeezezza nga ababaka ba palamenti ate nga balooya mu kiseera kino baliko byebamaliriza nebibiina byabwe mu kwetegekera okulonda sipiika omupya, nga n’olwekyo tebasobodde kubaawo. Ensonga zongeddwayo okutuuka nga 28 omwezi ogujja.