Ekibba ttaka ly’amasomero, waliwo abayimiriziddwa ku ly’e Kazo Mixed
Minisita omubeezi ow’ebyettaka Dr Sam Mayanja alagidde police ye Kawempe ekwate bannakigwanyizi abagambibwa okwagala okwezza ettaka okutudde eesomero lya govumenti Kazo Mixed Primary School. Mayanja okusitukiramu kiddiridde okutegeezebwa abakulira essomero lino nti waliwo abeesomye okutwala ettaka lyonna okuli essomero lino nga baagala kuzimbawo ssundiro ly’amafuta.Ettaka okuli enkayana litudde ku bugazi bwa yiika mukaaga nga lyawebwayo abatuuze ne bazimbako esomero mu mwaka gwa 1956.
