Abakulembeze n’abatuuze baagala oluguudo lwe Dokolo - Namasale lukolweko mu bwangu
Abakulembeze mu disitulikiti ye Amolatara baagala gavumenti ekole ku luguudo oluva e Dokolo okudda e Namasale mu bwangu okusobola okutaasa embeera. Oluguudo luno terukyayitikamu era ng'abebidduka kati bayita Kaberamaido. Mu bitundu ebimu nga Ochero oluguudo luno lwasalwako amazzi agava mu nnyanja kyoga. Abatuuze bagamba nti luno lutataaganyizza nnyo ebyobusuubuzi mu kitundu kyabwe.
