"N'omulenzi mumuloowoozeeko" Waliwo abalabudde ku kabi k'okugayaalirira abalenzi
Abalondoola embeera z’obuntu mu gwanga baagala gavumenti esse ku mwanjo ensonga eziruma abaana abalenzi nazzo zisobole okukolebwaako. Bano bagamba nti abaana abalenzi balekedwa nnyo ebbali mu nteekateeka ezenjawulo essira n’eriteekebwa ku mwana omuwala song’ate bombi beetagibwa mu nkulakulana ye gwanga. Kati waliwo abalowooza nti kawefube w’okulwanirira omwana omuwala yandifa ttogge singa abalenze tebalowoozebwako kyekimu.
