Abaana b’essomero basimattuse, akabenje akalala kagudde e Nkumba mu Ntebe
Abantu abasimattuse okufiira mu kabenje akagudde ku bitaala by’e Nkumba ku luguudo lw’e Ntebbe emmotoka kika kya coaster bw’eremeredde omugoba waayo n’esaabala emmotoka nnya. Kigambibwa nti emmotoka eno evuddeko akabenje kano ebadde etisse abaana b’essomero eritategeerekese era nga babadde bagenda kulambula, wabula wetutuukidde mu kifo kino nga bajjiddwamu ne baddusibwa mu ddwaliro lya Ntebbe Grade B okufuna obujjanjabi oluvanyuma lw’okufuna obukosefu wadde nga tebubadde bw’amaanyi. Akabenje kano kagudde mu kifo wennyini ekimotoka ekitabula enkokoto wekyagwiridde emmotoka ya buyonjo ku Lwokusatu lwa wiiki eno okukakkana nga eyagyibaddemu Raphel Okiot tasimattuse.