TTABAMIRUKA WA DP:Okulonda kutandise wakati mu by’okwerinda eby’amaanyi
Kyadaaki bannakibiina ki Democratic Party batandise okulonda abakulembeze baabwe mu tabamiruka ali e Mbarara, oluvanyuma lwennaku bbiri nga bayita mu kunsunsula abagenda okumwetabamu. Kyoka ekiro ekikeeseza enkya ya leero wabaddewo akakyankalano, bwekyalangiriddwa nti Richard Ssebamala yabadde ajjiddwa mu lwokaano lwabo abeegwanyiza obwa Pulezidenti. Tukitegedde nti mulwokaano kati mulimu abantu basatu bokka okuli Nobert Mao, Lulume Bayiga ne Eriya Aritiya.
