ENTAMBULA E SIRONKO EKALUBYE: Amadaala agatwala abantu mu nsozi gagudde
Abatuuze abawangalira mu lusozi lwa Elgon mu distulikiti y’e Sironko boolekedde akaseera akazibu oluvanyuma lw’amaddaala ge babadde beeyambisa okulinnya olusozi okuneguka oluvannyuma lw'okugwirwa olwazi. Kino kivudde ku nkuba empitirivu eyatonnye mu bitundu by’e Sironko olunaku lw’eggulo nga kati abantu mu magombolola ataano bagenda kuzibuwalirwa okutuuka mu butale, amalwaaliro wamu n’okutwala abaana mu masomero.Ng’ogyeeko okwonoona amaddaala, olwaazi luno era lwayonoonye n’ennimiro z’abantu.