“Weekube Mu Mutima” :Abalaalo basabye Museveni addirize ku by’okubasengula
Abalaalo abalundira ebisolo mu bitundu bya Acholi beekubidde enduulu eri omukulembeze w’eggwanga nga baagala yeekube mu mutima abaddiremu baleme kufuumulwa mu kitundu kino. Bano bategeezezza nga bwe baatuukiriza byonna omukulembeze w’eggwanga bye yabalagira omuli okuteeka enkomera ku ttaka kwe balunidira, okusima ebidibwa n’ebirara. Bano abaabadde n’ensisinkano e Kigumba mu disitulikiti ye Kiryandongo bagamba nti nabo bannayuganda ngabalala kale nga tebasaanidde kumala gasindiikirizibwa.
