Oluguudo lw’e Kigungu, abaluvunaanyizibwako batandise okulukolako
Oluvannyuma lw’emboozi gye twakola ngeraga embeera embi ey’oluguudo lw’e Kigungu olwetoloola ekisaawe ky’e Ntebe, aba minisitule y’eby’enguudo bamaze ne balutereeza era nga mukiseera kino temukyali binnya. Kyokka okusinziira ku bakulembeze n’abatuuze mu kitundu kino oluguudo luno lwetaaga kuyiibwa koolansi okusobola okutuukana obulungi n’omutindo gwenguudo ezetoloola ebisaawe mu mawanga amalala. Kati Meeya wa Munisipaali ye Ntebe Fabrice Rulinda agamba bali mu kunoonya ssente okulaba nga bayiwa oluguudo luno koolansi.
