Akakiiko k’ebyokulonda kalaalise ab’ebyokwerinda mu kalulu ka 2026
Ssentebe w’akakiiko k’ebyokulonda Omulamuzi Simon Byabakama agamba nti akakiiko ke kakyagenda mu maaso n’okwogerezeganya n’ebitongole by’ebyokwerinda okukakasa nti tebaddamu kukola ffujjo nga bwegwali mu kalulu k’ojjuza ekifo ky'omubaka wa Kawempe North. Byabakama yeekokkodde eneeyisa y'abantu bano n'atuuka n'okwebuuza oba nabo bannansi ba ggwanga lino.Alabudde ne bannabyabufuzi okwewala okutondawo obubinja obukola efujjo mu kalulu. Olunaku lw'enkya okulonda abakulembeze b'obubiiko bw'abavubuka ku byalo lwe kugenda okubeerawo.
