IBRAHIM MUSANA (PRESSURE 24:7): Kkooti emukkirizza okweyimirirwa ku kakalu kaayo
Kkooti ya Buganda ekkiriza Ibrahim Musana aka Pressure 24/7 okweyimirirwa .
Ono yaggulwako emisango gy'okuteeka obubaka ku mutimbagano obuvoola Kabaka saako n’omukulembeze w’eggwanga. Omulamuzi Ronald Kayizzi asazeewo okumuyimbula oluvanyuma lwa Musana ono okumala emyezi ebiri mu kkomera , kyoka nga okumuwozesa tekunatandika. Pressure yasindikibwa ku alimanda e Luzira nga 7th/ March 2024 nga alangibwa okukozesa omutimbagano okufulumya obubaka obuvoola abantu . Omulamuzi Kayiizi alagidde Pressure 24/7 okusasula obukadde bubiri nga zaabuliwo so nga abamweyimiridde obukadde amakumi abiri nga ssizaabuliwo era balina okulaba nga ono adda mu kkooti. Ono era aweereddwa ssabiiti bbiri okulaba nga aleese pasipoota ye mu kkooti . Kkootu era emulabudde obutaddamu kuvoola Kabaka wadde abakungu ba gavumenti abalala kubanga singa kamutanda okweyimirirwa akwe kwakusazibwamu. Akulira oludda oluwaabi Richard Birivumbuka okweyimirira kwono abadde akuwakanyiza nga agamba nti akyetaaga obudde okwetegereza ebiwandiiko ebyaweebwayo abagenda okumweyimirira wabula omulamuzi nakigana nga yesigama ku kyokuba nga omusibe abadde amazze ebbanga ddene ku alimanda.