Amuriat asuubizza okuwa obuganda Federo
Obwakabaka bwa Buganda bunakuwaliddeko bannabyabufuzi abaatunda omwoyo ng'enkoko emira ensanafu okwetaba mu kalulu k'omulundi guno akalimu dduka-dduka n'okuyiwa omusaayi. Kattikiro wa Buganda Charles Peter Mayiga nakati akyebuuza egeri abakuuma-ddembe gyebakolamu emirimu gyabwe nga mulimu n'okutemula bannansi. Mayiga olwaleero asisinkanye akwatiide FDC Bendera Patrick Oboi Amuriat e Bulange Mengo era ono n'asuubiza okuwa Buganda Federo singa atuula mu ntebe ewooma.