Okuzaawo olutindo lwa Katonga: Abatuuze bagamba tebalaba ku kontulakita
Abakulembeze mu ggombolola y'e Nkozi - Mpigi,kko n’abakozesa oluguuudo oluyita ku mugga katonga , ssi basanyu n’engeri eyakasoobo gavumenti gy’ekuttemu entekateeka y’okuluzaawo.
Bagamba nti gavumenti yali yabasuubiza okuzaawo olutindo luno mu bbanga ttono ddala, oluvanyuma lw’amazzi okulusanyaawo, kyoka nakakati bbo tebalaba mulimu gutambula.
Kyoka ayogerera ekitongole ki Uganda National Roads Authority ekikola ku by’enguudo Allan Ssempeebwa atugambye nti kontulakita agenda okuzimba olutindo olw’enkomeredde akyali mu kwetekateeka na kukola bipimo, akadde konna omulimu gutandike.